Në përshëndetjen e saj me rastin e Ditës së Bashkimit të Bullgarisë, kryetarja parlamentare Iva Miteva vuri në dukje se uniteti dhe kohezioni janë të nevojshëm për realizimin e kauzave të mëdha. Këtë e njoftoi qendra për shtypin e Kuvendit Popullor. “Fatkeqësisht, Legjislatura e 46-të e Kuvendit Popullornuk u bë shembull i unitetit në emër të gjetjes së zgjidhjeve të rëndësishme për vendin”, tha ajo. Megjithatë, Iva Miteva shpreh shpresën se forcat politike kanë mësuar mësimet e nevojshme dhe do të jenë më konstruktive dhe dialoguese në parlamentin e ardhshëm, në mënyrë që të mos zhgënjejnë edhe një herë qytetarët bullgarë.

Kryeministri në detyrë Stefan Janev gjithashtu drejtoi një përshëndetje me rastin e festës së sotme. “Ne duhet të marrim një shembull nga historia dhe të punojmë së bashku për prosperitetin e Bullgarisë”, tha ai. Sipas tij, lëvizja e fortë mbarëkombëtare e bashkimit është në thelbin e vrullit kombëtar. Kjo është arsyeja pse edhe sot, kur përballemi me një sërë sfidash, tjetërsimi i qytetarëve nga jeta publike është katastrofike, theksoi Stefan Janev.