Fëmijë të lumtur dhe të etur për dije - kjo është ëndrra e çdo prindi dhe mësuesi në vendin tonë. Është mjaft e mundur të "infektoheni" me këtë entuziazëm nëse e gjeni veten në shkollën bashkiake "Nikolla Jonkov Vapcarov" në Berkovica. Dizajni i dhomave të klasës është vepër e një studioje bullgare të specializuar në formimin e dizajnit të qendrave të ndryshme sociale.
Sipas krijuesve të saj Violetka Sllavova dhe Maria Stajnova, mjedisi mësimor duhet të dizajnohet sipas nevojave të nxënësve dhe mësuesve të tyre, duke përdorur sa më shumë resurset në dispozicion të shkollës.

Në vitin 2018 dy vajzat fituan konkursin për arkitektë të rinj "Shkollat e së Ardhmes" për shkak të idesë së tyre për ndërtimin e një Qendre për Shkenca Natyrore dhe Sipërmarrje.
Vizioni i projektit të tyre u pëlqye nga menaxhmenti i shkollës dhe prej andej ata kërkuan nga arkitektet që ta realizojnë atë në Berkovica, në mënyrë që ta kthejnë arsimin në një festë për nxënësit e tyre nga klasa I deri në VII.
Përpiloi: Joan Kolev
Përgatiti në shqip: Vesella Mançeva
Shtatëvjeçarja Magdalena Stojanova nga Shkolla e Artit “Kolorit” në Pleven fitoi medaljen e artë dhe çmimin e Konkursit Ndërkombëtar për vizatim fëmijësh “Shëndeti 2025”. Ceremonia e ndarjes së çmimeve u zhvillua në Sao Paulo, Brazil, në kuadër të..
Ministri i Mjedisit dhe Ujërave, Manoll Genov, shpalli të mbrojtura dy pemë shekullore, secila me moshë rreth 200 vjet, njoftuan nga institucioni. Njëra është e llojit brijë e bardhë (Ulmus laevis) me perimetër trungu 4,00 m dhe lartësi rreth 24..
Shqipëria dhe Bullgaria i kanë zgjatur dorën njëra-tjetrës në emër të lindjes së një jete të re. Në mbrëmjen e 7 nëntorit nisën për herë të parë kontrollet falas parandaluese në fushën e mjekësisë riprodhuese, të kryera nga specialistë bullgarë në qytetin..