Për 10 vjet popullsia e Bullgarisë u ul me 590 000 veta. Në të njëjtën kohë numri i pensionistëve të varfër u rrit me 128 000, ndërsa i fëmijëve të varfër me mbi 17 000. Këtë e njoftoi Zëvendës Ministri i Çështjeve Sociale Ivan Krëstev. Sipas tij shteti nuk ka politikë adekuate për mbrojtjen sociale të më të prekurve – pensionistëve dhe fëmijëve. Si një shembull në këtë drejtim Krëstev tregoi, se për 10 vitet e fundit ndihmat mujore për rritjen e një fëmije u rritën vetëm me 5 leva (2.56 euro).

Aktualisht 1.6 milion bullgarë jetojnë nën pragun e varfërisë, dhe gati 500 mijë veta janë me pagë minimale. Kjo përbën 29 për qind nga të punësuarit në vend.