Nuk mund të them nëse data 2040 është e mirë për mbylljen e termocentraleve bullgare me qymyr derisa të njihemi me Planin e Rimëkëmbjes. Komisioni Evropian nuk ka asgjë kundër energjetikës bërthamore, por është më i shtrenjtë. Brukseli nuk beson se Rusia po manipulon tregun e gazit natyror, tha në një intervistë për bTV Zëvendës Presidenti i Komisionit Evropian Frans Timmermans, i cili po viziton Sofjen.

Timmermans shpreson se çmimet e energjisë do të bien në fillim të vitit të ardhshëm. “Situata aktuale është e përkohshme. Nëse shikojmë në planin afatgjatë, shohim se nuk ka të ardhme në përdorimin e qymyrit”, tha Komisioneri i BE-së, duke shtuar se në të ardhmen do të ketë një përzierje të prodhimit të energjisë në të cilën do të ketë një vend për gazin natyror.