Milen Mitev u zgjodh në krye të Radios Kombëtare Bullgare /BNR/ nga Këshilli për Mediat Elektronike me 4 vota.

Milen Mitev, i cili drejtonte përkohësisht BNR-në pas dorëheqjes së Andon Balltakovit, u zgjodh në konkurrencë me Mitko Dimitrov dhe Ivo Todorov. Anëtarët e Këshillit për Mediat Elektronike që votuan “pro” sqaruan se janë përballur me dilemën nëse të preferojnë Mitev apo Todorov. Ata e justifikuan zgjedhjen e tyre me konceptin e thelluar të Mitevit, si dhe me përgatitjen e tij administrative dhe juridike.

“Në konceptin e zotit Mitev, qëllimet e vendosura dhe zgjidhjet e propozuara janë të realizueshme, reale dhe janë për ndryshimin e modelit të financimit të mediave publike”, komentoi kryetarja e Këshillit, Betina Zhoteva.

Në prezantimin e konceptit të tij, Milen Mitev përcaktoi si detyrë kryesore transferimin e përparësive dhe vlerave tradicionale të radios në botën digjitale.