Të gjitha vaksinat që jepen në Bullgari janë brenda afatit të ruajtjes së miratuar për produktin në fjalë. Ka vaksina të cilave u ka skaduar afati, por ato janë hequr dhe do të asgjësohen, tha në një konferencë Drejtori i Agjencisë Ekzekutive për Barnat Bogdan Kirillov. Ai kujtoi se në shtator, Agjencia Evropiane e Barnave rekomandoi zgjatjen e afatit të përdorimit të vaksinës Pfizer nga 6 në 9 muaj, e cila është e vlefshme për të gjitha grupet e prodhuara pas 1 qershorit. Kështu, për disa vaksina ka një ndryshim në informacionin mbi datën e skadencës të vendosur në paketim dhe miratimet aktuale. Deri në fund të javës, e njëjta gjë pritet të ndodhë edhe me vaksinën Moderna.