Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ministria e Punëve të Jashtme ndaj Maqedonisë së Veriut: Gjuha e urrejtjes është mohim i vlerave evropiane

Foto: arkiv

Fushata agresive politike lidhur me keqpërdorimin e qëllimshëm të temës së shtetësisë bullgare gjatë fushatës zgjedhore për kryetar të bashkisë së Shkupit është një shembull tjetër i atmosferës së intolerancës së imponuar në Maqedoninë e Veriut ndaj qytetarëve të saj me identitet bullgar dhe ndaj Bullgarisë theksohet në një pozitë të Ministrisë së Jashtme të Bullgarisë.

Shfrytëzimi i gjuhës së urrejtjes si instrument i opozitës politike të brendshme është kategorikisht i papranueshëm dhe një sjellje e tillë është mohim i vlerave themelore evropiane, thekson Ministria e Jashtme bullgare.

Republika e Bullgarisë do t’i kushtojë vëmendje të veçantë të gjitha proceseve që kanë të bëjnë me krijimin e kushteve të nevojshme për vetë identifikimin e lirë dhe respektimin e të drejtave të qytetarëve me identitet bullgar në Republikën e Maqedonisë së Veriut dhe do të vazhdojë të bëjë të gjitha përpjekjet e nevojshme për të mbrojtur ato në përputhje me të drejtën ndërkombëtare.

Gjatë fushatës, kandidatja e pavarur Danella Arsovska, e mbështetur nga VMRO-DPMNE, e cila fitoi zgjedhjet për kryetar bashkie të Shkupit, u akuzua se kishte shtetësi bullgare, por e fshehu atë. “Unë quhem Danella Jovanovska, sipas emrit të gjyshit tim Dane, maqedonas nga Shkupi. E gjithë Maqedonia e di se kush i ka shitur interesat kombëtare maqedonase”, iu përgjigj ajo akuzave.




Последвайте ни и в Google News Showcase, за да научите най-важното от деня!

Më shumë nga rubrika

Mungesë kuorumi, tensione dhe “zjarr mik” – a është e qëndrueshme qeveria?

Java e kaluar rezultoi praktikisht javë pushimi për deputetët e Legjislaturës së 51-të të Kuvendit Popullor të Bullgarisë, pasi gjatë tre ditëve të rregullta për seanca plenare – të mërkurën, të enjten dhe të premten – kuorumi nuk u arrit asnjëherë.Të..

botuar më 25-10-01 4.30.PD
Godina e MPJ-së në Sofje

MPJ: Bullgaria mirëpret planin e Trump për Gazën

Bullgaria mirëpret planin konkret të Presidentit të SHBA-së Donald Trump për t'i dhënë fund operacioneve ushtarake në Gaza dhe vëren reagimin e shpejtë dhe pozitiv të Izraelit, tha Ministria e Punëve të Jashtme në rrjetin social X, cituar nga BTA...

botuar më 25-09-30 6.22.MD
Asen Vasilev

Asen Vasilev beson se është më e lehtë të jesh kryetar i vetëm i PP-së

Kryetari i "Po e Vazhdojmë Ndryshimin" (PP), Asen Vasilev, tha në një intervistë për televizionin bTV se është më e lehtë të jesh kryetar i vetëm i partisë sesa të qeverisësh si bashkëkryetar me dikë tjetër pas largimit të Kirill Petkov ...

botuar më 25-09-30 4.06.MD