Ministria e Punëve të Jashtme dhe përfaqësitë konsullore bullgare jashtë vendit kanë menaxhuar me sukses organizimin e zgjedhjeve jashtë vendit. Gjithçka në lidhje me organizimin dhe logjistikën ka përfunduar. Kështu njoftoi grupi i punës “Zgjedhjet” në Ministrinë e Punëve të Jashtme në një konferencë në lidhje me zgjedhjet parlamentare dhe presidenciale të 14 nëntorit. “Ambientet, mjetet teknike janë siguruar, fletët e votimit dhe makineritë janë dërguar dhe në shumë vende tashmë kanë ardhur”, tha kryetari i grupit, Ivan Kondov.

Gjithsej 751 seksione do të jenë në 68 vende. Votimi me makineri do të bëhet në 21 vende, shumica e makinerive do të jenë në Turqi - 96.