Një protestë u zhvillua sonte para godinës së Ambasadës së Turqisë në Sofje. Protestuesit shprehën mendimin, se Turqia duhet të përmbahet dhe të mos ndërhyjë në procesin elektoral në vendin tonë.

Më herët sot Bullgaria shprehu zyrtarisht pritjen që institucionet turke të përmbahen kategorikisht nga aksionet propagandistike dhe mesazhet politike në lidhje me procesin zgjedhor në vendin tonë në raundin e dytë të zgjedhjeve për President dhe Nënpresident të Bullgarisë më 21 nëntor 2021. Ky qëndrim u shpreh në takimin e Sekretarit të Përhershëm të Ministrisë së Punëve të Jashtme, Ivan Kondov, me Ambasadoren e Turqisë në Sofje, Ajlin Sekizkjok. Pala turke është alarmuar për rastet e përfshirjes së zyrtarëve, liderëve politikë turq, organizatave të emigrantëve dhe mediave me agjitacion dhe apele paraelektorale në Turqi për të votuar në favor të një partie politike në Bullgari.