Në kuadrin e negociatave rreth programit të kabinetit eventual të koalicionit me mandatin e formacionit “Po e vazhdojmë ndryshimin”, mbi temën “Bujqësia pjesëmarrësit ranë dakord për nevojën për të rritur kontrollin mbi prodhimin e ushqimit, për të stimuluar prodhimin vendas dhe për të mbështetur blegtorinë dhe prodhimin e frutave dhe perimeve.

Nevoja për të vendosur një tavan subvencioni dhe konsolidimi i tokës mbeten pika të diskutueshme për të cilat partnerët e mundshëm në qeverisjen e vendit mezi tani do të kërkojnë marrëveshje.

Negociuesit mbi temën e qeverisë elektronike u pajtuan të punohet për aplikimin e një identifikimi personal elektronik në kartën e identitetit dhe në smartfon. Afati për aplikimin do të jetë gjashtë muaj.

Në diskutimin kushtuar arsimit, nga “Ka një popull të tillë” propozuan heqjen e vlerësimit të jashtëm kombëtar në klasën e 4-të. Nga BSP u shpallën kundër pranisë së ideologjive gjinore në shkollë. “Bullgaria Demokratike” propozoi që të fillojë një agjitacion për vaksinimin e nxënësve të klasave më të larta.