Dialogu i nivelit të lartë është kyç për besimin dhe kapërcimin e çështjeve të diskutueshme në marrëdhëniet midis Bullgarisë dhe Republikës së Maqedonisë së Veriut. Rreth këtij qëndrimi u bashkuan Presidenti Rumen Radev dhe Zoran Zaev gjatë një bisede telefonike të iniciuar nga kryeministri i Maqedonisë së Veriut. Të dy ata diskutuan aspektet e marrëdhënieve dypalëshe, respektimin efektiv të të drejtave të njerëzve që shprehen hapur si bullgarë në fqinjin tonë jugperëndimor, si dhe perspektivën evropiane të Maqedonisë së Veriut, informoi qendra e shtypit e kreut të shtetit.