Kirill Petkov dhe Asen Vasilev, bashkëkryetarë të partisë “Po e vazhdojmë ndryshimin”, njoftuan se marrëveshja e koalicionit për qeverinë e re tashmë është e nënshkruar veçmas me secilin nga liderët e katër formacioneve politike.

Partnerët e koalicionit të “Po e vazhdojmë ndryshimin”, janë “Bullgaria Demokratike”, “Ka një popull të tillë” dhe “BSP për Bullgarinë”.

Qendra e shtypit pranë Presidencës njoftoi se më 11 dhjetor, Presidenti Rumen Radev do t’i dorëzojë partisë “Po e vazhdojmë ndryshimin” mandatin për formimin e qeverisë. Më vonë gjatë ditës, formacioni do të prezantojë strukturën dhe përbërjen e Këshillit të Ministrave.

Nga “Po e Vazhdojmë ndryshimin” njoftuan se janë duke mbledhur nënshkrime për seancën e jashtëzakonshme të Kuvendit Popullor më 13 dhjetor, në të cilën do të votohet projekt-kabineti.