“Partneriteti Lindor” i BE-së mbetet një prioritet i politikës së jashtme bullgare jo vetëm për shkak të afërsisë gjeografike me vendet e rajonit, por edhe për shkak të lidhjeve historike dhe shpirtërore që na bashkojnë. Kështu deklaroi Presidenti Rumen Radev para gazetarëve në Bruksel para fillimit të Samitit të gjashtë të iniciativës. Formati bashkon krerët e shteteve dhe qeverive të vendeve anëtare të BE-së dhe të Armenisë, Azerbajxhanit, Gjeorgjisë, Moldavisë dhe Ukrainës. Presidenti theksoi se veçanërisht në Moldavi dhe Ukrainë ekziston një komunitet i madh historik bullgar dhe se vendi ynë po punon për zgjerimin e bashkëpunimit kulturor dhe arsimor me ta.