Në takimin me Kryeministrin e Maqedonisë së Veriut Dimitër Kovaçevski, Presidenti Rumen Radev shprehu kënaqësinë për punën e dy qeverive. Ai bëri thirrje që e njëjta mënyrë të përdoret në zgjidhjen e çështjeve të hapura politike: “Le të sqarojmë përfundimisht detyrat afatshkurtra që duhet të zgjidhim përpara se të fillojmë negociatat”.

Nga ana e tij, Dimitër Kovaçevski tha se një dialog i hapur dhe i sinqertë mund të çojë në zgjidhje. “Bullgaria është një anëtare e BE për 15 vjet - jo vetëm për të hapur derën për Maqedoninë e Veriut, por edhe për të ndarë përvojën”, tha ai. Ndër rezultatet pozitive, Kryeministri i Maqedonisë Veriore theksoi krijimin e komisionit në fushën e integrimeve evropiane, hapjen e ardhshme të linjës ajrore Sofje-Shkup dhe identifikimin e Korridorit 8 si prioritet.

Pas takimit sy më sy, Rumen Radev ngriti çështjen e të drejtave të qytetarëve të Maqedonisë së Veriut me identitet bullgar. “Përfshirja e këtyre bullgarëve maqedonas në Kushtetutë, duke garantuar barazinë e tyre me pjesët e tjera të kombit, do t’i mundësojë Bullgarisë të hapë derën për fillimin e negociatave për anëtarësim në Bashkimin Evropian”, tha kreu i shtetit.