Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Studentë nga 31 shtete mësojnë mjekësi në qytetin Pleven

Foto: Facebook /@mu.pleven.bg

Më se 300 studentë nga 31 shtete u regjistruan në vitin e ri akademik 2021/22 për të mësuar në Universitetin e Mjekësisë në qytetin Pleven (Bullgari Qendrore Veriore), njofton qendra e shtypit e universiteti. Shumë janë kandidatë mjekët nga Italia, India, Britania e Madhe, Japonia, Irlanda, Gjermania, Turqia dhe Greqia. Ka edhe studentë në vitin e parë nga Koreja, Kina, Sri Lanka, Kanadaja, Libani, Jemeni, Libia, Egjipti dhe Zimbabve. Për herë të parë u regjistruan shtetas të Turkmenistanit dhe Kosovës.

Për shkak të situatës epidemike dhe masave kufizuese, pritja dhe përshtatja e studentëve të huaj bëhet online. Programi përfshin një sërë aktivitetesh të dobishme dhe argëtuese - një turne virtual në universitet, takime informative në internet, etj. Para fillimit të mësimit studentët e huaj ndjekin një kurs të gjuhës bullgare, në mënyrë argëtuese mësojnë informacione shtesë të dobishme për qytetin Pleven dhe Bullgarinë.

Hapja zyrtare e vitit të ri akademik për studentët e huaj të sapo pranuar do të jetë më 4 shkurt dhe nga data 14 shkurt do të fillojë mësimi i rregullt me prani në auditorët.

Universiteti i Mjekësisë në qytetin Pleven është i pari në Bullgari i cili në vitin 1997 aplikoi mësimdhënien në “Mjekësi” për studentët e huaj, tërësisht në anglisht. Më shumë se 1250 studentë të huaj nga 56 vende studiojnë mjekësi në këtë universitet me mësimdhënie në gjuhën angleze. Aty deri më tani u diplomuan 18 klasa mjekë shtetas të huaj, të cilët kanë gjetur realizim të suksesshëm profesional në mbarë botën – Evropë, ShBA, Indi dhe Australi.




Последвайте ни и в Google News Showcase, за да научите най-важното от деня!

Më shumë nga rubrika

Një rajon bullgar kryeson BE-në për vdekjet nga sëmundjet kardiovaskulare

Rajoni Jug-Qendror i Bullgarisë është rajoni në Bashkimin Evropian me shkallën më të lartë të vdekshmërisë nga sëmundjet kardiovaskulare - 66.2% e të gjitha vdekjeve, sipas të dhënave të Eurostat. Ajo është dy herë më e lartë nga ajo mesatare e BE-së..

botuar më 25-09-30 3.32.MD

At Paolo Cortesi: Emigrantët nuk janë kërcënim, por dhuratë për shoqëritë tona

Para se të largohej nga kjo botë, Papa Françesku zgjodhi që tema e Ditës Botërore të Emigrantëve dhe Refugjatëve për këtë vit, që bota katolike e kremton më 29 shtator, të ishte "Emigrantët – misionarë të shpresës". “Me këto fjalë Papa na kujton se..

botuar më 25-09-29 7.05.PD

76% e të rinjve në Evropë janë të ekspozuar ndaj dezinformimit – cila është situata në Bullgari

Çështja e informacionit cilësor dhe të saktë ka qenë gjithmonë jashtëzakonisht e rëndësishme, por a mos vallë tashmë jemi përballë një problemi që paraqet rrezik për përhapjen globale të lajmeve të rreme në të ardhmen? Sipas një studimi të Eurobarometrit,..

botuar më 25-09-27 8.05.PD