Kryeministri Kirill Petkov tha se pret akuza kundër ish-shefit të “Bulgargaz”, Nikollaj Pavllov. Sipas Petkov, një hetim është duke u zhvilluar për veprimet e kompanisë. “Në një shkallë të madhe jemi të sigurt se disa nga vendimet që ata e morën rezultojnë në çmime të larta të gazit dhe në rritje prej 30 për qind të çmimit të propozuar nga Komisioni i Rregullimit të Energjisë dhe të Ujit. “Nëse dikush mendon se do të marrë vendime të gabuara kundër sigurisë kombëtare dhe në të njëjtën kohë do të dëmtojë konsumatorët, ajo kohë ka mbaruar”, tha kryeministri duke motivuar shkarkimin nga detyra e tërë udhëheqjes së “Bulgargaz” disa ditë më parë.

Në një intervistë për BNR, Martin Vlladimirov, një ekspert nga Qendra për Studimin e Demokracisë, shprehu dyshimin se qëllimi në rastin me “Bulgargaz” është t’i hiqet roli kryesor në tregun bullgar të gazit, për të tërhequr klientë të mëdhenj për kompani të treta të tregtarëve alternativë të gazit ndërsa për “Bulgargaz” të mbetet detyra e vështirë për t’u shitur gaz kompanive të ngrohjes qendrore që nuk janë pagues të rregullt.