Një delegacion ndërdikasterial i Shteteve të Bashkuara, i kryesuar nga Derek Chollet, këshilltar i posaçëm në Departamentin e Shtetit, është për vizitë në Sofje dhe më pas do të jetë në Bukuresht dhe Bruksel nga 7 deri në 11 shkurt.

Sipas një deklarate të Departamentit të Shtetit, Chollet do të takohet me anëtarë të qeverisë bullgare për të vazhduar dialogun strategjik mbi sigurinë, energjinë dhe sundimin e ligjit, dialog ky i cili filloi në janar 2020. Në Bukuresht, ai do të diskutojë vendosjen e trupave amerikane në Rumani .

Vizita do të jetë "një vazhdim i përpjekjeve të gjera të Uashingtonit", së bashku me "aleatët e tij evropianë në mbështetje të një qëndrimi të përbashkët" ndaj Rusisë në situatën aktuale rreth Ukrainës, bëri të ditur Departamenti i Shtetit.