Besimi është tema kryesore e radiostacioneve në mbarë botën, sot, më 13 shkurt. Dhe kjo nuk është e rastit. Në një kohë pandemie dhe të lajmeve të rreme, UNESKO-ja ka zgjedhur të fokusohet mbi temën "Radioja dhe besimi" gjatë festimit të 11-të të Ditës Botërore të Radios.

Radioja Kombëtare Bullgare (BNR) merr pjesë në festimin e Ditës Botërore të Radios që nga fillimi i saj në vitin 2012, kur Asambleja e Përgjithshme e OKB-së vendosi ta kthejë ditëlindjen e radios së Kombeve të Bashkuara në një festë të radiostacioneve në mbarë botën.

Duke shërbyer si një urë lidhëse midis transmetimeve tradicionale dhe teknologjive të reja, radioja sot ofron një larmi përmbajtjesh në një sërë pajisjesh dhe formatesh, si podkaste dhe platforma multimediale. Studime të ndryshme tregojnë se besimi në mediat sociale po bie globalisht. Në të njëjtën kohë, radioja mbetet media tek e cila besojnë më shumë njerëz.