Pas një hetimi të Prokurorisë Evropiane, më 15 shkurt janë ndalur katër persona për 24 orë në Bullgari për keqpërdorim të fondeve evropiane, cituar nga BNT. Bëhet fjalë për një grup të organizuar kriminal i hetuar në dhjetor të vitit të kaluar nga Prokuroria e Specializuar. Policia ka kontrolluar shtëpi dhe zyra në Plovdiv - është sekuestruar një sasi e madhe dokumentesh, rreth 11 000 euro, serverë kompjuterësh dhe telefona. Ka dyshime për disa persona se kanë dhënë informacion të rremë për marrjen e fondeve evropiane nga Fondi Social Evropian, si dhe në kuadrin e masës “Mbështetje për sipërmarrjet mikro dhe të vogla për tejkalimin e pasojave ekonomike të pandemisë COVID-19”. Shuma e saktë e dëmit në buxhetin e BE-së është ende duke u vlerësuar dhe tani për tani nuk janë ngritur akuza.