Që nga 7 marsi pranë qeverisë bullgare nis nga puna një shtab special me detyra koordinuese dhe organizative në lidhje me luftën në Ukrainë dhe reflektimin e saj në vend, tha para bTV Kryeministri Kirill Petkov. 8 kamionë me ndihmë humanitare udhëtojnë për në Ukrainë. U hartua dhe një program për ndihmë të refugjatëve. Pasi nafta arriti çmimin rekord nga 140 dollarë për fuçi “Brent” që prej 12 vitesh e këtej, Petkov tha, se shteti do të rregullojë çmimin e karburanteve dhe do të mbajë rezerva maksimalisht të plota të karburanteve dhe drithërave.

NATO-ja nuk do të mbyllë hapësirën ajrore mbi Ukrainën, sepse kjo do të thotë luftë me Rusinë, tha Ministrja e Jashtme gjermane Analena Berbok para televizionit ARD.

Rusia paralajmëroi Rumaninë dhe Poloninë të mos pranojnë aeroplanë ushtarakë të Kievit, sepse mund të përfshihen në një konflikt të armatosur. Kryeministri rumun Nikollae Çuka në një intervistë televizive e caktoi deklaratën ruse si provokacion.

Polonia nuk do të dërgojë aeroplanë të vet në Ukrainë, dhe nuk do të lejojë që të shfrytëzohen aeroportet e saj. Ndihmojmë ndjeshëm në shumë fusha të tjera, shkruan në Twitter nga kabineti i Kryeministrit polak Mateush Moravecki .

Pritet raundi i radhës i bisedimeve ruso-ukrainase, por Moska mbetet e palëkundur në kërkesat e saj që Kievi të heqë dorë nga sovraniteti i tij kombëtar dhe t’i dorëzojë Rusisë Krimenë dhe rajonet Doneck dhe Lugansk.