Në Bullgari hapi dyert Universiteti i parë i Bletarisë. Qëllimi i tij kryesor është që të frymëzojë një brez të ri bletarësh të merren me këtë zanat të vjetër. Bletaria dhe prodhimi i mjaltit mbijetuan edhe sot e kësaj dite si një jetesë tradicionale nëpër trojet tona. Rrënjët e bletarisë çojnë deri në fiset trake.
Prapa idesë për Universitetin e Bletarisë qëndron platforma “Mjalti i vërtetë”, e cila përqafon kauzën e kujdesit për bletët dhe ndalimin e zhdukjes së tyre. Platforma ndihmon gjithashtu bletarët bullgarë të nxjerrin mjaltë të pastër me cilësi dhe origjinë të garantuar dhe të tregtojnë produktet e tyre me një çmim të drejtë.
Detyra kryesore e organizatorëve të universitetit është të ndihmojnë fillestarët të bëjnë hapat e tyre të parë, duke u siguruar atyre njohuri dhe udhëzime teorike dhe praktike nga njerëz me përvojë. Në varësi të shkallës së ambicieve studentët do të mund të përfitojnë njohuri si për alfabetin e zanatit, ashtu edhe për tendencat më të reja që përhapen deri teknologjitë dhe digjitalizimin në bletari.
“Bletaria kërkon përkushtim dhe përgatitje serioze, ky zanat përcillet brez pas brezi ose mësohet pas shumë përpjekjesh të pasuksesshme – thotë Stefani Karaivanova, pjesë nga ekipi “Mjalti i vërtet”. – Dhe nëse një person vendos të fillojë, ai ka nevojë për një mentor, tokë të përshtatshme për t’u kthyer në një bletore, si dhe fonde për koshere, bletë dhe pajisje. Aktualisht ka kurse bletarie, por ndryshimi me tonin është se ne ofrojmë trajnime hibride.”
Kurikula mbahet nga data 7 mars deri më 10 maj 2022, gjatë së cilës do të ketë leksione online me mësues dhe shkencëtarë nga Bullgaria dhe jashtë saj, si dhe ushtrime praktike të një bletarie pune me bletarët nga programi “Birëso një koshere”. Nga 30 pjesëmarrësit e përzgjedhur vetëm 10 marrin bursa duke përfshirë 5 gra me qellim stimulimin e hyrjes së seksit të bukur në këtë zanat.
“Shumica e bletarëve mësojnë nga gjyshërit ose prindërit e tyre që u kanë lënë një bletore të trashëguar, por kjo është jashtëzakonisht e vështirë - tha Stefani Karaivanova për BNR-Bllagoevgrad. – Bletaria kërkon shumë lexim dhe të gjitha vështirësitë, duke përfshirë mungesën e mjeteve ose e një mentori, shpesh bëhet shkak që shumë njerëz të refuzohen. Dhe pasi kursi ynë është i përshtatshëm para se gjithash për njerëz të cilët bëjnë hapat e parë në këtë zanat, me siguri ndër tyre do të ketë edhe të tillë të cilët do ta shndërrojnë ëndrrën e tyre në një veprimtari të preferuar.”
Pse është e rëndësishme të ruhen bletët?
“Bletët janë pjalmuesi më i rëndësishëm për planetin tonë, ne u detyrohemi atyre shumë - thotë Stefani Karaivanovaл – Një e treta e ushqimit, që arrin në trapezën tonë pjalmohet nga bletët dhe nëse nuk i mbajmë, nuk e dimë se çfarë do të mund të hamë. Nuk është rastësi që Ajnshtajni thoshte se nëse bletët do të zhdukeshin, do të zhdukeshim edhe ne.”
Trajnimi tremujor në Universitetin e Bletarisë do të përfundojë me një test që do të përfshijë pyetje nga materiali i mësuar. Pjesëmarrësve do t’u jepen diploma më 20 maj – Ditën Botërore të Bletarëve. Pesë me rezultatin më të mirë nga provimi përfundimtar do të marrin një çmim - një zgjua të re me bletë të banuara, të cilën do ta vendosin në tokën e tyre ose te mentori i tyre bletar.Përpilues: Diana Cankova (sipas intervistës së eleonora tropankova, BNR-Bllagoevgrad)
Përgatiti në shqip: Svetllana Dimitrova
Foto: @istinskimed.bg
Bullgari tashmë disponon pasuri bruto prej mbi 1 trilion leva (500 miliard euro), tregon një studim i Klubi i Ekspertëve për Ekonomi dhe Politikë, i publikuar së fundmi. Kjo është e barabartë me pothuajse pesë herë madhësinë e produktit të brendshëm..
“Për Bullgarinë, çdo ditë është 24 maj. Por nuk ka asgjë më të natyrshme dhe më të mirë se hapja e Panairit Pranveror të Librit në ditën e tretë të festës më të ndritur bullgare”, tha nënpresidentja Ilijana Jotova. Panairi i 17-të i Librit në Sofje do..
Nga fillimi i vitit shkollor 2025/26, gjuha bullgare, historia, folklori dhe traditat do të bëhen pjesë e programit të bullgaristikës në një nga universitetet më prestigjioze në SHBA – Universiteti i Illinois-it, njoftoi Ministria e Arsimit dhe Shkencës...
3314 studentë të huaj studiojnë në Plovdiv. Më së shumti janë studentët e huaj që ndjekin studimet për mjekë dhe stomatologë në Universitetin e Mjekësisë..
Kryetarja e Asamblesë Kombëtare u takua me përfaqësues të komunitetit bullgar në Shqipëri. Në krye të një delegacioni parlamentar bullgar, Natalija..
Kushtet e paqëndrueshme dhe të paparashikueshme të motit këtë pranverë, me luhatje të mëdha të temperaturave, i detyruan banorët e kryeqytetit që, përveç..