Emri i Agnesa Rusi Popovskës është konfirmuar si Ambasadore e Jashtëzakonshme dhe Fuqiplotë e Maqedonisë së Veriut në Bullgari, bëri të ditur Ministri i Jashtëm i Maqedonisë së Veriut, Bujar Osmani, cituar nga BTA. Popovska deri më tani ka qenë Përfaqësuese e Përhershme e Maqedonisë së Veriut në Bruksel. Ajo ka lindur në vitin 1971. Është një diplomate karriere. Është diplomuar për marrëdhënie ekonomike me jashtë dhe marketing në Universitetin e Shkupit “Shenjtorët Kirili dhe Metodi”. Ajo ka një diplomë Master në Politikën Ndërkombëtare nga Qendra Evropiane për Studime Ndërkombëtare dhe Strategjike (CERIS) në Bruksel. Agnesa Rusi Popovska flet anglisht, kroatisht, bullgarisht dhe frëngjisht dhe e mori përsipër misionin në Sofje, i cili prej kohësh ishte pa ambasador maqedonas.