Në Universitetin e Trakisë në Stara Zagora u krijua qendra e parë për akuaponikë në Evropën Lindore. Qendra arsimore, kërkimore dhe industriale për prodhim të kontrolluar mjedisor ndodhet në 4000 metra katrorë.

Cikli i prodhimit fillon këtë pranverë dhe prodhimi i parë bullgar akuaponik do të jetë në tregun tonë në vjeshtë. Pritet që prodhimi vjetor të jetë rreth 120 000 bimë me gjethe jeshile të prodhuara organikisht dhe rreth 3 tonë peshk.

Teknologjia akuaponikë është një proces në të cilin uji ku rriten peshqit shndërrohet në një burim të pasur lëndësh ushqyese për bimët. Bakteret e dobishme në mjedisin ujor i kthejnë mbetjet e peshkut në lëndë ushqyese bimore, të cilat, kur absorbohen, ndihmojnë për pastrimin e ujit në të cilin jetojnë peshqit. Procesi natyror i mban peshqit dhe bimët të shëndetshme dhe në të njëjtën kohë ruan një mjedis simbiotik në të cilin të tre speciet - mikroorganizmat e dobishëm, peshqit dhe bimët – zhvillohen shkëlqyeshëm.

Përfitimet e këtij lloji të prodhimit nuk janë vetëm ekonomike por edhe mjedisore. Me shpenzime minimale të punës, energjisë dhe ujit, cilësia dhe shija e bimëve ruhet pa pesticide dhe herbicide.

Përpiloi: Darina Grigorova

Përgatiti në shqip: Vesella Mançeva