Bullgaria nuk ka premtuar datë konkrete për heqjen e vetos për fillimin e negociatave për anëtarësim të Republikës së Maqedonisë së Veriut në Bashkimin Evropian, tha në Bllagoevgrad Kryeministri Kirill Petkov. “Kjo me kalendarin nuk funksionon”, tha ai në lidhje me përmendjen e datës, në mediat maqedonase, për heqjen e vetos bullgare. Megjithatë, kryeministri ishte kategorik se ka progres serioz në dialogun me fqinjin tonë jugperëndimor. Lidhur me regjistrimin në Maqedoninë e Veriut, sipas të cilit bullgarët numërojnë 3504, Kirill Petkov komentoi: “E vetmja mënyrë për të pasur regjistrime reale që do të përfshijnë të gjithë bullgarët në Maqedoninë e Veriut është kur të drejtat e pakicës bullgare do të bëhen pjesë e të drejtave kolektive të Kushtetutës.”

• Sofja pret që Shkupi të fillojë të mbajë premtimet e veta