Shëtitje pranverore në dy manastire më pak të njohura pranë Sofjes

botuar më 22-04-04 1.21.MD

Ka shumë manastire të vogla përreth kryeqytetit bullgar, të njohura që nga mesjeta si “Mali i Shenjtë i Sofjes”. Ata janë rreth 40, por vetëm disa prej tyre kanë ruajtur ndërtesat që nga koha e themelimit të tyre. Shumica e manastireve janë të rinovuar kohët e fundit. Sot, këto qendra shpirtërore modeste, por të gjalla vizitohen nga pelegrinët dhe mbi të gjitha nga sofianasit që ikin nga zhurma e qytetit të madh.

Nëpër gjurmët e natyrës shpirtërore – Mali i Shenjtë i Sofjes

Manastiri Çepinski “Tre Shenjtorët e Shenjtë”, kushtuar Shën Vasilit të Madh, Shën Gregorij Teologu dhe Shën Joan Gojëmbli është një nga manastiret e pakta në Bullgari që janë të ndërtuar në fusha, jo në male. Vendi nuk u zgjodh rastësisht - aty pranë ishte një tumul trak, varri harkor i të cilit përdorej nga murgjit si vend kreshme. Ndërtesat aktuale janë të fillimit të shekullit të 20-të.

Manastiri “Shën Ivan Rillski” pranë fshatit Kurillo, sot lagje e qytetit Novi Iskër daton që nga Mbretëria e Parë Bullgare (vitet 681 – 1018). U shkatërrua në fillim të pushtetit osman dhe u rindërtua në fund të shekullit të 16. Që atëherë datojnë edhe afresket murale në kishë, të cilat janë vepër e piktorit të njohur Pimen Zografski.