Mizoritë në Buça përmes syve të animatorit Teo Ushev

botuar më 22-04-06 11.35.PD

Foto: BGNES

Pamjet tronditëse të kufomave të civilëve me duar të lidhura në rrugët e Buçës, të cilat dolën në dritë pas tërheqjes së ushtrisë ruse nga qyteti ukrainas, zemëruan komunitetin botëror dhe çuan në akuza për krime lufte kundër Moskës. Ndërkohë, autoritetet lokale thanë se më shumë se 300 njerëz u vranë dhe u varrosën në një varr masiv pranë një kishe në Buça gjatë pushtimit rus. Një tjetër varr masiv me 57 viktima të pafajshme u zbulua në qytet.

Mbrëmjen e 3 prillit, kur agjencitë botërore dolën me pamjet e tmerrshme të masakrave në Buça, animatori i njohur bullgar Teodor Ushev publikoi në internet vizatimin e tij, në të cilinshprehu tronditjen e tij për krimin.

Bullgari Teodor Ushev – animatori më me ndikim në botë për 25 vitet e fundit

Piktura rikrijon syrin e një fëmije, duke vulosur imazhin e shëmtuar të vrasësit të tij - një ushtar rus i shënuar me shenjën Z, që u vendos si simboli zyrtar i pushtimit të Ukrainës. Tekstualisht vetëm për disa orë, vizatimi pushtoi rrjetin botëror përmes qindra postimeve, të shoqëruara me komente dhe mesazhe të zemëruara për një fund të menjëhershëm të mizorive në Ukrainë.

Para televizionit kombëtar bullgar, dukshëm i shqetësuar, Teo Ushev komentoi punën e tij ashtu:

“U ula në mënyrë spontane dhe e vizatova këtë pikturë. Gjatë gjithë kohës mendoja se do të ishte më e lehtë. U ula pa asnjë ide dhe duart më dridheshin pikërisht teksa po pikturoja këtë poster. Kjo është hera e parë që më ndodh kjo gjë. Për herë të parë ndihem i pafuqishëm. Dua të hesht, dua të hesht në kujtim të viktimave të pafajshme që vdiqën - fëmijëve, grave, të moshuarve, të cilët vetëm një muaj më parë jetuan në paqe. Unë kam qenë gjithmonë optimist dhe kam menduar se arti mund të ndryshojë botën, por në këtë moment ndjej dëshpërim dhe pafuqi absolute që arti mund t’i ndryshojë gjërat”, tha Teo Ushev.

Animatori i respektuar njihet për qytetarinë e tij aktive në tema të ndryshme shoqërore. Pak kohë më parë, Teo publikoi vizatimin e tij të syve të mjekëve që kujdeseshin për të në pavijonin Covid të spitalit. Puna e tij shpërtheu fjalë për fjalë rrjetet sociale dhe madje u shfaq në dhjetëra tabela në të gjithë Sofjen, si një gjest mirënjohjeje për mjekët në vijën e parë të luftës kundër koronavirusit.