Plani bullgar i Rimëkëmbjes dhe Qëndrueshmërisë u miratua përfundimisht nga Brukseli, njoftoi Kryeministri Kirill Petkov. Sipas tij Bullgari tashmë ka një plan shumë të mirë dhe funksionues. Siguria energjetike e vendit do të jetë e garantuar, siguroi kryeministri: “Ruajmë kapacitetin e plotë të pellgut të Marica, në kuadrin e “tranzicionit të gjelbër” do të shfrytëzojmë zgjidhje inovative - bateri, burime të rinovueshme të energjisë, energji gjeotermale.

Kirill Petkov tha gjithashtu se prioriteti me sundimin e ligjit është vënë në piedestal. “Më në fund kemi një mekanizëm që forcon kontrollin mbi kryeprokurorin, një gjyqtar që do të marrë përkohësisht rolin e prokurorit hetues”, shtoi ai.