Ndërtesa e ish-spitalit të mushkërive në Plovdiv do të bëhet qendër për strehimin e refugjatëve ukrainas, ka vendosur Këshilli Bashkiak. Shpenzimet për riparimin, mirëmbajtjen dhe pastrimin, si dhe shërbimet e përgjithshme dhe të internetit do të jenë në kurriz të buxhetit komunal. Përgatitjet e ndërtesës filluan disa javë më parë dhe përfshijnë shumë vullnetarë.

Deri më tani, ka më shumë se 1500 refugjatë nga Ukraina në qytetin e dytë më të madh të Bullgarisë, por numri i tyre parashikohet të rritet.

Ideja e krijimit të qendrës lindi në dialog me përfaqësuesit e komunitetit ukrainas, shpjegoi nënkryetari i bashkisë Georgi Titjukov. Sipas tij, ukrainasit janë shtytësi kryesor i idesë dhe do të mbështesin me donacione riparimin dhe mobilimin.