Në raportin e ri vjetor për gjendjen e vendeve në tranzicion të organizatës më të vjetër joqeveritare amerikane “Freedom House”, Bullgaria renditet sërish në kategorinë e “demokracisë gjysmë të konsoliduar”. Kjo do të thotë se shteti zyrtarisht ka standarde të mira për zgjedhje, por ka dobësi në mbrojtjen e të drejtave politike dhe lirive qytetare.

Një raport i veçantë për vendin ende nuk është shpallur.

Në raportin e përgjithshëm theksohet se “BE-ja duhet të ushtrojë presion mbi Bullgarinë për të tërhequr kundërshtimet e saj për fillimin e negociatave për anëtarësimin e Maqedonisë së Veriut në BE”.

“Freedom House” është me seli në Uashington, dhe që nga viti 2016 më shumë se 80 për qind është financuar nga autoritetet amerikane.