Në sfondin e lajmeve për probleme të rëndësishme të të drejtave të njeriut, pavarësisë së gjyqësorit, korrupsionit dhe lirisë së shprehjes në vendin tonë, të konstatuara në raportin vjetor të Departamentit Amerikan të Shtetit, disa studentë bullgarë të drejtësisë na dhanë shpresën që brezi i ri mund ta përgënjeshtrojë këtë konstatim.
Joana Vallova, Ivan Ivanov, Sofia Lefterova dhe Diana Zasheva nga Universiteti i Sofjes “Shën Klementi i Ohrit” fituan konkursin më të madh juridik në botë në konkurrencë me kolegë të tyre nga universitete prestigjioze në 85 vende.
Konkursi Willem C. Vis fokusohet në të drejtën tregtare ndërkombëtare dhe arbitrazhin tregtar ndërkombëtar. Çdo vit në të marrin pjesë rreth 350 skuadra me 2500 studentë nga e gjithë bota. Për herë të parë në historinë 29-vjeçare të konkursit, avokatët e ardhshëm bullgarë u paraqitën më mirë, si në raundin me gojë, ashtu edhe në atë me shkrim, kurse Ivan Ivanov u rendit në mesin e folësve më të mirë në të ashtuquajturat "Lojëra Olimpike" të së drejtës.
"Vlera morale e çmimit është njohja se ne jemi ekipi më i mirë dhe më i përgatitur në botë," thotë avokatja e re Lia Harizanova, e cila së bashku me Kryeasistentin Anastas Punev dhe avokatin Oleg Temnikov është trajnere e ekipit. - Cilësia e argumenteve shkencore që kërkohen për të dalë mirë në këtë konkurs është jashtëzakonisht e lartë. Pas suksesit tonë qëndron puna dhjetë mujore e studentëve gjatë angazhimeve të tyre të rregullta në universitet dhe shkuarjes në punë. Pra, është një shpërblim i madh për përpjekjet e tyre.”
“Çdo vit kazuset i përgjigjen realitetit modern - ato merren me probleme praktike dhe frymëzohen nga raste reale. Nuk është rastësi që themeluesit e konkursit Willem C. Vis janë disa nga avokatët praktikues më të shquar në fushën e arbitrazhit ndërkombëtar dhe të drejtës tregtare ndërkombëtare. Këto gara janë një zëvendësim i mrekullueshëm i disa të metave në arsimin bullgar” – thotë Lia Harizanova.
A tregojnë sukseset e kësaj skuadre elitare nivelin e arsimit juridik në vendin tonë?
"Sigurisht që në të gjitha universitetet bullgare ka të rinj të shkëlqyer. Ne kemi potencialin për të qenë po aq të mirë sa janë edhe specialistët në vendet e tjera. Mendoj se ka nevojë për më shumë ushtrime praktike” - tha Lia Harizanova.
Lia Harizanova thotë se arritjet hapin dyert në shumë drejtime. Një prej tyre është stimulimi i dëshirës së të rinjve për t'u bërë juristë të mirë. Tjetri i çon ata në klasa të llojeve të ndryshme të së drejtës që nuk do të mësoheshin në universitet. “Nëse doni të bëni diçka të tillë, tashmë jeni shumë hapa përpara të tjerëve që nuk kanë pasur kurrë mundësi të punojnë të fokusuar mbi këto tema”, tha Lia Harizanova. Dhe pasi e ka përmbushur ëndrrën e saj që të paktën një herë një ekip bullgar të arrijë në finalet e konkursit, ajo tani mezi pret realizimin e dëshirës së saj të radhës - të krijojë një komunitet për të mbështetur studentët dhe më pas për t'i ndihmuar ata në zhvillimin e tyre profesional.
Përgatiti në shqip: Vesella Mançeva
Foto: Pixabay dhe arkivi personal
Bullgaria mbetet e përkushtuar ndaj misionit të përbashkët të zhvillimit të potencialit të shkencës në mbështetje të paqes në një botë të konkurrencës së ashpër dhe për zhvillimin pozitiv të shoqërive tona. Kështu deklaroi kreu i shtetit Rumen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë në prodhim. Pas protestave masive bujqësore në të gjithë BE-në që nga fillimi i vitit, fermerët po..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen për vitin akademik 2024-2025 është rritur me rreth 11%. Kështu ka thënë për programin “Hristo Botev”..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..