Në koalicioni qeverisës nuk ka pajtim mbi një qëndrim të unifikuar për ofrimin e ndihmës ushtarake për Ukrainën. Këtë e deklaroi shefja e kabinetit politik të kryeministrit Lena Borisllavova. Megjithatë, ajo shprehu besimin se kjo nuk do të çonte në shpërbërjen e mazhorancës. “Më vjen mirë që Bullgaria ka një qeveri që vepron, jo vetëm që flet për përkatësinë në NATO dhe vlerat proatlantike”, tha ajo, duke theksuar se Bullgaria duhet të mbështesë Ukrainën. “Për mua është e papranueshme të shtyhet koncepti se nëse i japim armë Ukrainës, ne po e bëjmë konfliktin edhe më të vështirë dhe po pengojmë të mbizotërojë paqja”, tha Borisllavova.

• Asen Vasilev: Qëndrimi se me dhënien e armëve po e vazhdojmë konfliktin është i turpshëm
  

BSP nuk do të ndryshojë qëndrimin e saj për ndihmën ushtarake për Ukrainën. Kështu tha sot në Karxhali Zëvendëskryeministrja dhe Kryetare e partisë Kornelija Ninova. Ministri i Punës Georgi Gjokov nga BSP tha në Stara Zagora se çështja e eksporteve të armëve në Ukrainë e bën koalicionin qeverisës shumë më të paqëndrueshëm. Ai theksoi edhe një herë se deri më tani vendi ynë nuk ka eksportuar armë në Ukrainë. Sipas tij, Bullgaria eksporton armë në 50 vende, ndër të cilët nuk figurojnë Ukraina apo Rusia, njoftoi korrespondenti ynë Dejan Denev nga Stara Zagora.