Nëse në fazën e parë të luftës kërkoheshin mënyra për t’i dhënë fund armiqësive, tani vijimi i saj del në pah. Në një intervistë për BNR, Ljubomir Kjuçukov, Drejtor i Institutit të Ekonomisë dhe Marrëdhënieve Ndërkombëtare, një ish-Zëvendës Ministër i Jashtëm, tha se aktualisht ka dy tendenca në qëndrimin e Evropës ndaj Rusisë. Të parën e përkrahin Shtetet e Bashkuara, Mbretëria e Bashkuar, vendet baltike, Polonia dhe Rumania, të cilat mbështeten në zgjidhjen ushtarake të konfliktit. Të dytën e përkrahin Gjermania dhe Franca, të cilat po kërkojnë një zgjidhje politike dhe synojnë të lënë një derë të hapur për dialogun e ardhshëm. Megjithatë, asnjë nga këto dy tendenca nuk është pro-ruse, komentoi Kjuçukov. Pas vizitës së Sekretarit amerikan të Mbrojtjes Lloyd Austin në Kiev dhe takimit të NATO-s në bazën “Rammstein” në Gjermani, qëllimi “paqe” u zëvendësua nga “lufta deri në fitore”, theksoi Ljubomir Kjuçukov, duke shtuar se presioni është aktualisht mbi partnerët aleatë për dhënien e ndihmës ushtarake për Ukrainën, jo mbi Rusinë për t’i dhënë fund luftës. Sipas ekspertit, mbytja e Rusisë në luftë do të thotë përmbytje edhe të Ukrainës në luftë dhe e gjithë kjo është në kurriz të jetës njerëzore. Sipas Kjuçukov, ka sinjale se lufta mund të përhapet përtej territorit të Ukrainës, dhe sulmet kundër Pridnestrovie në Moldavi janë të rrezikshme sepse tashmë po prekin një vend të tretë dhe kjo mund të çojë në një përshkallëzim të luftës. Sa i përket sanksioneve që synojnë të pengojnë veprimet ushtarake të Rusisë, Bullgaria, si anëtare e BE-së, është në një situatë paradoksale. Sipas Kjuçukov, ka disa mundësi për vendin tonë - këmbëngulja për një qëndrim të unifikuar brenda Bashkimit Evropian, kërkimi i një zgjidhjeje me “Gazprom” ose sigurimi i burimeve alternative.
Sllovenia u bë vendi i parë në Evropën Lindore që legalizoi vetëvrasjen e asistuar Parlamenti i Sllovenisë e miratoi përfundimisht Ligjin për vetëvrasjen e asistuar me 50 vota “pro” dhe 10 “kundër”, duke e kthyer vendin ballkanik në të..
Qëndrimi i Bullgarisë për luftën në Rripin e Gazës mbetet i pandryshuar. Prioriteti duhet të jetë përmirësimi i situatës humanitare në Gaza dhe arritja e një zgjidhjeje të qëndrueshme paqësore të bazuar në dy shtete. Kjo u deklarua nga Ministria..
Asambleja Kombëtare miratoi me 112 vota "pro" një deklaratë që dënon luftën e vazhdueshme të Federatës Ruse kundër Ukrainës dhe represionet politike të regjimit të Vladimir Putinit. Projekt-dokumenti u paraqit nga "Po e vazhdojmë ndryshimin" -..
Qëndrimi i Bullgarisë për luftën në Rripin e Gazës mbetet i pandryshuar. Prioriteti duhet të jetë përmirësimi i situatës humanitare në Gaza dhe..
Sllovenia u bë vendi i parë në Evropën Lindore që legalizoi vetëvrasjen e asistuar Parlamenti i Sllovenisë e miratoi përfundimisht Ligjin..