BE është afër arritjes së një marrëveshjeje për paketën e gjashtë të sanksioneve kundër Rusisë, tha kreu i politikës së jashtme të komunitetit, Josep Borel. Ambasadorët e vendeve anëtare nuk arritën një marrëveshje në ditën e parë të diskutimeve, njoftoi një burim i BNR, duke shtuar se ishin zhvilluar konsultime teknike intensive, të cilat lejuan përparim. Diskutimi vazhdojë edhe më 6 maj. Mosmarrëveshjet janë për embargon e importit të naftës nga Rusia, të cilën Komisioni Evropian po propozon ta vendosë deri në fund të vitit. Bullgaria dhe Sllovakia duan një shtyrje, ndërsa Hungaria është plotësisht kundër.

Në një letër drejtuar Presidentes së Komisionit Evropian, Ursula von der Leyen, Kryeministri hungarez Viktor Orban thekson se paketa e re e sanksioneve të BE-së rrezikon të minojë jo vetëm sigurinë energjetike të Hungarisë, por edhe unitetin e bashkimit në përgjigjen e tij ndaj pushtimit rus të Ukrainës, njoftoi REUTERS.

Ushtria ukrainase zmbrapsi 11 sulme ruse në Donbas gjatë 24 orëve të fundit, raportoi UNIAN. Luftimet vazhdojnë në uzinën Azovstall në Mariupoll.

Sekretari i Përgjithshëm i OKB-së Antonio Guterres tha se gjatë ditëve të fundit organizata arriti të evakuojë rreth 500 civilë nga Azovstal dhe po përpiqet të vazhdojë evakuimin.