Gjatë 10 viteve të fundit, tregtia midis Bullgarisë dhe Republikë Çeke është trefishuar, duke arritur në 1.727 miliardë euro, gjë që është një dëshmi e perspektivave për forcimin e bashkëpunimit. Këtë e bënë të ditur Presidenti bullgar Rumen Radev dhe Ministri i Industrisë dhe Tregtisë i Republikës Çeke Jozef Sikela në hapjen e Forumit Çeko-Bullgar të Biznesit nën moton "Së bashku arrijmë më shumë". Rumen Radev tha se marrëdhëniet e shkëlqyera mes popullit bullgar dhe atij çek janë një bazë solide për zhvillimin e marrëdhënieve të suksesshme afariste dhe theksoi mundësitë për thellimin e partneritetit mes dy vendeve tona. Këto janë inovacioni, teknologjia e informacionit, industria e automobilave dhe e mbrojtjes, energjia, kujdesi shëndetësor, turizmi dhe infrastruktura. Ekziston një potencial që tregtia të arrijë 2 miliardë euro vitin e ardhshëm. Sfidat kryesore me të cilat përballet biznesi janë efektet e pandemisë, kriza energjetike e BE-së dhe veprimet ushtarake në Ukrainë.
Ndërkaq, Presidenti Rumen Radev u takua edhe me bashkëatdhetarët tanë në Çeki. “Kam nderin që jam ndër përfaqësuesit e një prej komuniteteve më të vjetra, më të shumta dhe më të organizuara bullgare jashtë Bullgarisë.” tha Presidenti Rumen Radev gjatë një takimi me përfaqësues të bashkësisë bullgare në Pragë. Në ambasadën tonë në Pragë, ku u zhvillua takimi, Rumen Radev tha se bashkatdhetarët tanë arrijnë ta ruajnë kulturën vendase përmes krijimit të 17 shoqatave, shkollave të së dielës dhe falë shkollës bullgare “Petër Beron” në kryeqytetin çek, e cila ka 74 vjet histori dhe aktualisht arsimon 125 fëmijë bullgarë.
Sipas të dhënave zyrtare, në territorin çek jetojnë rreth 17 mijë shtetas bullgarë.
Vidhen thesaret kombëtare të Rumanisë nga një muze në Holandë Tre byzylykë ari dhe një përkrenare e paçmuar nga ekspozita rumune "Dacia! Perandoria e Artë dhe e Argjendtë" u vodhën nga Muzeu Drents në qytetin Assen të Holandës më 24 janar...
Lufta në Ukrainë nuk ka zgjidhje ushtarake dhe diplomacisë duhet t'i jepet rrugë. Këtë e deklaroi presidenti Rumen Radev, i cili organizoi pritjen tradicionale për udhëheqësit e misioneve diplomatike të akredituara në Bullgari. Në aktivitetin që u..
Shoqata e Pasardhësve të Refugjatëve dhe Emigrantëve nga territori i Maqedonisë së Veriut dërgoi një qëndrim tek institucionet evropiane, në të cilin këmbëngul që përfaqësuesit evropianë të njihen me dokumentet në rastin kundër kryetarit të klubit të..