Zëvendës Ministrja ukrainase e Mbrojtjes Hanna Maljar shprehu shpresë, se 264 luftëtarët e nxjerrë nga Uzina e Çelikut “Azovstall” në Mariupoll do të shkëmbehen për robër rusë lufte, njoftoi Associated Press. Ajo e bëri këtë supozim në dritën e deklaratës së Kryetarit të Dhomës së Poshtme të Parlamentit Rus Vjaçesllav Vollodin se ushtarët ukrainas janë kriminelë nazistë, të cilët duhet të përjashtohen nga shkëmbimet e ardhshme dhe të përballen me drejtësinë. Dhoma e Poshtme pritet të diskutojë një projekt-rezolutë për parandalimin e shkëmbimit të kriminelëve nazistë, raportoi TASS.

Në një bisedë telefonike, presidenti francez Emmanuel Macron siguroi homologun e tij ukrainas Vollodimir Zelenski se në ditët në vijim vendi i tij do të rrisë furnizimet me armë për Ukrainën. Ai shtoi gjithashtu se kandidatura e Ukrainës për në BE do të diskutohet në një samit në qershor.

Gjykata Penale Ndërkombëtare dërgoi një ekip prej 42 ekspertësh për të hetuar krimet e kryera gjatë pushtimit rus të Ukrainës, bëri të ditur AFP. Ky është misioni më i madh i kryer ndonjëherë në terren.