Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Birrë me aromën e… malit Stranxha

Foto: Stamen Iliev

A mundet që birra të ketë aromën e....malit dhe më saktë të malit Stranxha - një nga skajet më të bukura dhe të paprekura të natyrës bullgare? Përgjigjen e kësaj pyetjeje e jep Stamen Iliev, i cili i është përkushtuar ëndrrës së tij - të krijojë  birrë kraft me shije autentike dhe mesazh.

Stamen drejton një nga  distileritë më të mëdha në Bullgari, pas diplomimit në Universitetin e Teknologjisë Ushqimore në Plovdiv. Akoma si student, ai bën birrën e tij të parë kraft. “Kur  filluam të mësojmë në universitet, kishim zierje të birrës gjatë kohës së ushtrimeve. Dhe kështu nisi çdo gjë - me një kazan të vogël, pas të cilit u dashurova!”- kujtohet Stamen dhe shton se, akoma atëherë ka vendosur të përvetësojë deri në një përsosmëri sekretet e kësaj mjeshtërie, e cila nga një hobi dhe pasion kalon në një biznes fitimprurës familjar:


“Birrën e parë e zjeva në lokalin e prindërve të mi. Aty ka një kuzhinë të madhe me kazanë të mëdhenj të cilët i përdora. Dhe si zakonisht me kësmetin e fillestarit, birra ime e parë  u bë shumë e mirë! Gjatë asaj kohe babi im kishte mbjellë speltë. Ideja ishte që të ve në pijen time këtë speltë, kurse ndaj saj shtova dhe çaj nga Krimeja”- kujtohet Stamen Iliev.

Pas provave shtëpiake, ai lidhet me njerëz, të cilët kanë një kapacitet më të madh për zierjen e pijes. “Tanimë pothuajse 2 vjet punojmë bashkë. Dhe meqenëse instalimi nuk është dhe shumë i madh, sasitë janë të vogla dhe birra është gjithmonë e freskët”- thekson Stamen. Ai shpjegon se preferon që tu thotë klientëve, se birra i ka mbaruar, sesa tu propozojë një birrë të mbetur.

Për një nga birrat e tij të fundit - pije e errët, ai përsëri është i frymëzuar nga natyra e malit mistik Stranxha. Përdor resurset e malit, duke përfshirë dhe një ekstrakt nga lisi i Stranxhës.

“Lisi fillimisht është tharë, kurse pas kësaj ngjyhet me alkool etilik, i cili nxehet dhe qarkullon. Dhe në fund, ky alkool etilik bëhet mjaft i trashë, si karamel. Pija ka një aromë mjaft të fortë prej druri dhe vanilje, po të duash dhe brendi, është shumë intensive - thotë Stamen. - Përveç kësaj, që të gjitha birrat dhe paketimet e mia janë të orientuara te Stranxha, aty gjendet lokali ynë, aty filloi çdo gjë! Kemi dhe një birrë e cila i kushtohet filmit bullgar, i  xhiruar në fshatin Kondollovo në malin Stranxha - bëhet fjalë për filmin  "Zotëri për një ditë".


Etiketat e birrës kraft të Stamen Ilievit janë po kështu shumë interesante. Ato janë punim dore, të realizuara e të pikturuara nga motra e tij Monika Ilieva. Në to po kështu duket frymëzimi nga mali Stranxha.

Në bazë të materialit të Kalina Ençevës, BNR-Burgas

Përpiloi: Veneta Nikollova

Përgatiti në shqip: Nataniela Vasileva

Foto: Stamen Iliev




Последвайте ни и в Google News Showcase, за да научите най-важното от деня!

Më shumë nga rubrika

Popullsia e lejlekëve të bardhë është rritur me një të tretën

Popullsia e riprodhimit të lejlekëve të bardhë - një nga zogjtë më të dashur në vendin tonë - është rritur me 33 për qind në vitet e fundit, sipas të dhënave nga një regjistrim ndërkombëtar i cituar nga BGNES. Sipas rezultateve, në Bullgari janë..

botuar më 25-10-12 6.20.PD
Gazetari Hristo Grozev

Gazetari Hristo Grozev në Berlin: Çmimi evropian vërteton se vitet e mundimit ia vlejnë

Gazetari investigativ bullgar Hristo Grozev mori çmimin e tij si Gazetari Evropian i Vitit në një ceremoni zyrtare në Berlin. Ai ishte një figurë kyçe në kërkimin e ish-menaxherit të Wirecard, Jan Marsalek, në Moskë, si dhe në zbulimin e një numri..

botuar më 25-10-11 12.17.MD
Natalija Efremova

Interes rekord për programin "Unë Zgjedh Bullgarinë" të drejtuar për bullgarët jashtë vendit

Një interes rekord është treguar nga bashkatdhetarët tanë jashtë vendit për programin "Unë Zgjedh Bullgarinë" të Ministrisë së Punës dhe Politikës Sociale. Kjo u raportua në një seancë dëgjimore në Komitetin parlamentar për Politikat për Bullgarët..

botuar më 25-10-11 11.00.PD