Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festojmë 130 vjet nga krijimi i himnit "Ec, o popull i rilindur”

| rinovuar më 22-05-24 12.34.MD
Foto: arkiv

Dita e Vëllezërve të Shenjtë Kirill dhe Metodij, dita e alfabetit, arsimit dhe kulturës bullgare dhe e letërsisë sllave 24 maj, nuk është vetëm një festë zyrtare për vendin tonë. Kjo është ndoshta festa më e dashur dhe me siguri festa që bashkon të gjithë bullgarët, anembanë botës.

Këtë festë gjithnjë e lidhim me këngën e mrekullueshme sipas tekstit të shkrimtarit Stojan Mihajllovski dhe muzikës së kompozitorit Panajot Pipkov “Ec, o popull i rilindur” ose “Himni i Shenjtorëve Kirill dhe Metodij”. Vjersha u botua në revistën “Misëll”, në fund të shekullit XIX me titullin “Kirill dhe Metodij”. Mbi këtë tekst, në vitin 1901, Panajot Pipkov, atëherë mësues në qytetin Lloveç, krijoi një këngë që nxënësit e interpretuan në Ditën e Vëllezërve të Shenjtë Kirill dhe Metodij, e cila në atë periudhë sipas stilit të vjetër kremtohej më 11 maj. Një vit më pas filloi të këndohet në shumicën e shkollave bullgare, për të mbetur edhe sot e kësaj dite si simbol muzikor jo vetëm i kësaj feste të ndritshme, por edhe si shprehje e dashurisë shekullore të bullgarëve për arsimin dhe kulturën, sepse siç këndohet në himn, populli ynë ka besuar gjithmonë se “shkenca është dielli që ndriçon shpirtrat” dhe se “kombi nuk zhduket atje ku jeton dija”. Prandaj me çdo vit që po kalon jehojnë gjithnjë e më qartë në shpirtin tonë fjalët e mirënjohjes: “Qoftë të bekuar, o Metodij e Kirill, krijues të dijes bullgare, krijues të fjalës sonë të mirë!”

Sivjet, në Ditën e Vëllezërve të Shenjtë Kirill dhe Metodij, të alfabetit, arsimit dhe kulturës bullgare dhe të letërsisë sllave - 24 maj, kremtojmë solemnisht 130 vjet nga krijimi i "Ec, o popull i rilindur” nga Stojan Mihajllovski.

Me rastin e përvjetorit të ndritshëm, si dhe me rastin e 50 vjetorit të ngritjes së monumentit të vëllezërve të shenjtë Kirill dhe Metodij, sofjanasit dhe mysafirët e Sofjes ishin të ftuar të merrnin pjesë në performancën më në masë të himnit kombëtar bullgar të Stojan Mihajllovskit.

Tonin e këngës e vendosi kori miks i shkollave së Sofjes me dirigjent maestro Sllavill Dimitrov dhe për herë të parë himni tingëlloi në tërësi. Organizatorët nga Bashkia e Sofjes ftuan të gjithë të pranishmit që të marrin pjesë në interpretimin e tij. Teksti i plotë i himnit ishte shkruar në flamuj, të cilët iu shpërndan të pranishmëve. Ceremonia para Bibliotekës Kombëtare filloi në orën 11.00, ndërsa aksesi në Monumentin e Vëllezërve të Shenjtë Kirill dhe Metodij ishte falas.

''Ec, o popull i rilindur''



Последвайте ни и в Google News Showcase, за да научите най-важното от деня!

Më shumë nga rubrika

Vasko Krëpkata feston ditëlindjen!

Një nga përfaqësuesit më të njohur të bluеsit në Bullgari, Vasko Krëpkata (Arna), feston sot 65-vjetorin e lindjes. Vasill Georgiev ka lindur më 6 qershor 1959 në Sofje. Atje ai krijoi grupin e parë të njohur për këtë stil në lagjen “Poduene”, ku..

botuar më 24-06-06 6.20.PD

"Shpirti im" - një zbulim i ri nga Bellosllava

Bellosllava mirëpret verën me disa ngjarje - një këngë të re, një turne veror dhe një pllakë të re të gramafonit. Në këngën e titulluar “Shpirti im”, këngëtarja flet për rrugëtimin e dashurisë. “Teksti i këngës "Shpirti im" ka të bëjë me..

botuar më 24-06-05 6.55.PD

"Dashuria si një qiell"

Pak pas prezantimit të baladës së tij të bukur “Po vrapojmë” ,  Miro ka një tjetër këngë të re, kësaj radhe me një tingull të lehtë të stilit karakteristik për vitet 80 dhe 90 të shekullit të njëzetë. Për krijimin e "Dashuria si një qiell"..

botuar më 24-06-04 8.25.PD