Në një deklaratë të përbashkët, Komisioni Evropian dhe Shtetet e Bashkuara e cilësuan pezullimin e furnizimit me gaz nga Rusia në Bullgari dhe Poloni si “të paarsyeshme dhe të papranueshme”. Ata e dënojnë këtë veprim dhe e cilësojnë si “shantazh energjie”. Të dy palët riafirmuan angazhimin e tyre për forcimin e sigurisë energjetike në Evropë përmes një grupi të përbashkët pune për sigurinë energjetike të ngritur nga presidenti i SHBA-së Joe Biden dhe Presidentja e Komisionit Ursula von der Leyen në fund të marsit. Në deklaratë theksohet se ky grup do të vazhdojë të punojë për diversifikimin e furnizimeve me karburant blu në Evropë. Informacioni i përket korrespondentes së Radios Kombëtare Bullgare në Bruksel, Angelina Piskova.