Është ngritur një grup ndërinstitucional, i kryesuar nga Ministria e Drejtësisë, për të hartuar një projekt ligj për masat për parandalimin dhe mbrojtjen e sigurisë kombëtare nga cenimet që kërcënojnë sigurinë ekonomike dhe financiare të vendit.Në të marrin pjesë ekspertë nga Ministritë e Financave, Punëve të Jashtme, Banka Popullore Bullgare, Agjencia Kombëtare e të Ardhurave dhe përfaqësues të rretheve akademike. Megjithëse tekstet janë ende në gjendje pune, projekti, i cili fitoi popullaritet si versioni bullgar i Ligjit Magnitski, ka tërhequr kritika të ashpra nga partnerët e koalicionit të partisë “Po e vazhdojmë ndryshimin” dhe opozita në parlament, të cilët i përshkruan tekstet si fashiste. Në përgjigje, Zëvendëskryeministri dhe Ministër i Financave Asen Vasilev komentoi se tekstet synojnë të mbrojnë institucionet shtetërore dhe kompanitë në mënyrë adekuate, dhe Ministria e Drejtësisë është e vetmja që mund të respektojë të gjitha aktet kombëtare dhe ndërkombëtare për të gjetur mënyrën më të përshtatshme për të mbushur këtë boshllëk në legjislacionin bullgar. Nga ana e vet, Ministria e Drejtësisë komentoi se nuk mund të mbështes versionin mediatik të të ashtuquajturit Projektligj bullgar “Magnitski” sepse është në kundërshtim me Kushtetutën dhe legjislacionin evropian.