Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kirill Petkov: “Lufta do të ndalet kur ushtria ruse do të dëbohet nga Ukraina”

Foto: EPA/BGNES

Mënyra e vetme për të arritur paqen është duke e shtyrë ushtrinë ruse nga Ukraina - përndryshe do të ketë një konflikt të ngrirë me paqëndrueshmëri dhe më shumë viktima. Këtë e deklaroi Kryeministri Kirill Petkov gjatë Forumit Ndërkombëtar GLOBSEC në Bratislavë. Në fjalinë e tij, kryeministri theksoi se ukrainasit po luftojnë për Evropën, ndaj është e rëndësishme që Bashkimi Evropian të jetë i bashkuar në mbështetjen e tij. Kirill Petkov tha gjithashtu se nevojitet një qasje strategjike në temën e infrastrukturës dhe lidhjes së kontinentit për të plotësuar zbrazëtirat logjistike. Ai njoftoi gjithashtu se Bullgaria do të riparojë 80 tanke ukrainase.

Paketa e gjashtë e sanksioneve kundër Rusisë u miratua nga përfaqësuesit e përhershëm të vendeve anëtare të BE-së. Me kërkesë të Hungarisë, Patriarku rus Kirill, emri i të cilit fillimisht u përmend për shkak të mbështetjes së tij për luftën, u hoq nga lista e individëve të sanksionuar.

Paketa përfshin një zgjidhje kompromisi për të shkurtuar 90 për qind të importeve të naftës ruse deri në fund të vitit, por parashikon një sërë përjashtimesh specifike për vende të veçanta nga zbatimi i embargos. Mes tyre është edhe Bullgaria, e cila do të vazhdojë të blejë naftë ruse deri në fund të vitit 2024, siç tha tashmë Kirill Petkov. Vendimi do të miratohet sot me procedurë të shkruar dhe do të publikohet menjëherë në Gazetën Zyrtare të BE-së.

Në një fjalim video në ditën e 100-të të luftës, presidenti ukrainas Vollodimir Zelenski tha se nuk ka ndonjë ndryshim domethënës në situatën në Severodoneck, ku po zhvillohen luftimet më intensive. Ai shtoi se Shtetet e Bashkuara do të dërgojnë në Ukrainë sisteme rakete artilerie shumë të lëvizshme.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 29 prillin

Të martën , temperaturat minimale do të jenë nga 1 deri në 6 gradë. Në Sofje do të jetë rreth 5°. Do të formohen ngrica vende-vende në luginat e 8 rretheve të gjysmës lindore të vendit. Pas mëngjesit të freskët, gjatë ditës do të ketë diell në të..

botuar më 25-04-28 7.40.MD

Çmimi i gazit natyror pritet të bie me rreth 14% në maj

Gazi natyror pritet të bëhet më i lirë me rreth 14% krahasuar me çmimin aktual, njoftoi drejtori ekzekutiv i “Bulgargaz”, Veselin Sinabov, në një takim të hapur të Komisionit Rregullator të Energjisë dhe Ujit. Kjo do të thotë që një megavat-orë do të..

botuar më 25-04-28 4.29.MD

Kryeministri e njohu Antonio Koshta me potencialin e industrisë bullgare të mbrojtjes

Presidenti i Këshillit Evropian Antonio Koshta dhe kryeministri Rosen Zheljazkov vizituan Uzinën Ushtarake “Arsenall” në Kazanllëk. Menaxhmenti i kompanisë prezantoi aftësitë teknologjike të uzinës, kapacitetet kryesore të prodhimit, si dhe proceset..

botuar më 25-04-28 3.33.MD