Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Gjithnjë e më shumë prona po blihen në Bjalla

Këtë verë bashkia detare do të mbështetet kryesisht te turistë nga Bullgaria, Gjermania dhe Skandinavia

Foto: Facebook / @9101Byala

Qyteti Bjalla ndodhet në kufirin midis rretheve Varna dhe Burgas, pothuajse në distancë të barabartë nga ato dy qytetet detare. Vija bregdetare e bashkisë karakterizohet nga një kombinim i bregut shkëmbor, gjireve të vegjël dhe plazheve me duna ranore. Gjatë stinës së verës resorti është një vend tërheqës kryesisht për familjet me fëmijë. Sipas të dhënave zyrtare, popullsia e komunës së qytetit Bjalla është rreth 3 200 banorë, por në realitet ka shumë më tepër, tha për Radio Varna Inxhinieri Penjo Nenov – kryetar i komunës që nga viti 2019. “Pandemia e Covid-it dhe vendosja e punës në distancë nga shtëpia kontribuon edhe më shumë në “arratisjen” nga qytetet e mëdha”, tha Inxhinieri Nenov. Bjalla është një nga këto komuna të vogla të preferuara, jo vetëm për pushime, por edhe për qëndrim gjatë gjithë vitit.

Kjo ka çuar në një rritje drastike të blerjeve të pronave banesore në bashkinë detare në dy vitet e fundit, shpjegon Penjo Nenov. Ai është kategorik se të hyrat nga taksat nga investimet e njerëzve mbrojnë buxhetin e komunës gjatë krizave, siç jemi tani.

“Patjetër që po mundohemi të përballojmë një sezon shumë të mirë dhe të fortë, shpresojmë që të jetë i tillë, pavarësisht luftës që po shpërthen nga afër” – shpreh shpresat e tij kryebashkiaku. Sipas tij, tashmë u bënë rezervime për sezonin e ardhshëm veror, por numri i tyre nuk është aq i lartë sa dy-tre vite më parë. Prandaj, detyra kryesore për turizmin në komunë është zgjatja e sezonit veror të paktën deri në shtator. Këtë vit qyteti pritet të vizitohet kryesisht nga bullgarë, danezë dhe gjermanë.

Më shumë rreth pritshmërisë nga sezoni turistik në det mund të lexoni këtu: Pavarësisht luftës dhe pandemisë, Sllënçev Brjag po e hap sezonin me një optimizëm të matur

Përpilues: Vesella Krësteva

Përgatiti në shqip: Svetllana Dimitrova

Foto: Facebook / @9101Byala




Последвайте ни и в Google News Showcase, за да научите най-важното от деня!

Më shumë nga rubrika

Biblioteka Nevena Kokanova në fshatin Iglika

Fshati prej guri Iglika ruan kujtimin për legjendën e kinemasë Nevena Kokanova

E quajnë “Foleja prej guri” e Ballkanit, për shkak të shtëpive dhe mureve të bukura prej guri, që qëndrojnë të qeta në përqafimin e malit. Në Iglika, jeta rrjedh qetë dhe pa zhurmë, larg rrëmujës së shekullit XXI. Vetëm rreth 15 kilometra larg..

botuar më 25-10-06 7.00.PD

Plovdiv me një atraksion të ri – një orë antike uji mat kohën në Sahat Tepe

Në majën e kodrës Sahat Tepe në Plovdiv , këto ditë u përurua një orë e lashtë uji – klepsidër, e rikonstruktuar sipas modeleve antike. Kjo është e vetmja orë e tillë e vendosur në ambient të hapur në Bullgari, dhe tashmë është atraksioni më i ri..

botuar më 25-10-05 7.10.PD

Uji mineral dhe turizmi – burimi i jetesës në qytetin Devin sot

Devin - "qyteti i ujërave minerale", ndodhet në një nga rajonet më piktoreske të Bullgarisë - i fshehur në pjesën jugperëndimore të vargmalit më të gjerë bullgar, Rodopet, përgjatë lumit Vëça. Në afërsi të tij ndodhen dhjetëra monumente natyrore dhe..

botuar më 25-09-30 7.15.PD