Vizita e Ministrit të Jashtëm rus Sergei Lavrov në Serbi më 6 dhe 7 qershor u anulua për shkak të refuzimit të Bullgarisë, Maqedonisë së Veriut dhe Malit të Zi për të hapur hapësirën e tyre ajrore ndaj avionit të diplomatit të parë rus. Ambasadorja ruse në Sofje Eleonora Mitrofanova konfirmoi për TASS se autoritetet bullgare nuk lejuan avionin me Lavrov të fluturonte mbi Bullgari. BE-ja ndaloi linjat ajrore ruse të fluturojnë mbi vendet anëtare në fund të shkurtit.

Vendimi është në përputhje me regjimet e sanksioneve të BE-së. Sergei Viktorovich Lavrov është përfshirë në listën e personave fizikë dhe juridikë nën nr. 670 që u nënshtrohen masave kufizuese të BE-së, njoftoi Ministria e Jashtme Bullgare.

Lavrov do të takohej në Beograd me Presidentin Aleksandër Vuçiq dhe elitën politike të Serbisë. Më 6 qershor, Vuçiq do të takohet me Ambasadorin rus në Beograd. Dhe televizioni shtetëror serb RTS raportoi se në lajmet kryesore, Aleksandër Vuçiq do t'i drejtohet kombit lidhur me këtë rast.