Bullgaria do të mund të marrë vëllime të plota gaz natyror nga Azerbajxhani kur të hyjë në punë interkonektori me Greqinë. Këtë e deklaroi Ambasadori i Azerbajxhanit në Bullgari Hjusein Hjuseinov në një intervistë për agjencinë e lajmeve të Azerbajxhanit Trend News Agency. Ai citoi një deklaratë të Kryeministrit bullgar Kirill Petkov se objekti do të fillojë së funksionuari më së voni në korrik ose në gusht të këtij viti. Ambasadori shtoi se Azerbajxhani, si një furnizues i besueshëm i energjisë, do të luajë një rol vendimtar në tregun bullgar të energjisë - veçanërisht në sfondin e situatës së rëndë për shkak të rritjes së mprehtë të çmimeve të gazit natyror.