Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dita e dytë e bisedimeve me Presidentin për të gjetur formulën e formimit të një qeverie të re

| rinovuar më 22-06-28 12.39.MD
Presidenti Radev (djathtas) dhe Hristo Ivanov
Foto: BGNES

Partia "Ka një popull të tillë" është e gatshme të negociojë formimin e qeverisë, por jo me çdo kusht, deklaroi kryetari i grupit të saj parlamentar Toshko Jordanov në konsultimet e para me presidentin për ditën e dorëzimit të mandati . Kreu i shtetit Rumen Radev u takua dje me përfaqësuesit e GERB-SDS dhe DPS. Deputeti tha se ITN do të mbështesë një kabinet profesionistësh me një program të qartë për të paktën një vit, por pa pjesëmarrjen e ish-kryeministrit Kirill Petkov dhe ministrit të financave Asen Vasilev.

Rumen Radev theksoi se zgjidhja e krizave kërkon vendime të qarta nga politikanët për t'iu përgjigjur shqetësimeve të njerëzve për shkak të rritjes së çmimeve dhe luftës në Ukrainë. Ai u përqendrua gjithashtu në politikën e qëndrueshme të ITN ndaj Maqedonisë Veriore. Në përgjigje, Toshko Jordanov i bëri thirrje Presidentit që të shpallet publikisht stenogrami i Këshillit të Sigurisë Kombëtare të 10 marsit të këtij viti, kushtuar perspektivës evropiane për Republikën e Maqedonisë së Veriut. “Në këtë këshill janë thënë shumë gënjeshtra. Rumen Radev tha se nuk do ta bëjë këtë për ta ruajtur lirinë e shpalljes së mendimit të pjesëmarrësve.

Presidenti zhvilloi konsultime edhe me “Bullgarinë Demokratike”. Hristo Ivanov. Lideri i njërës prej partive në koalicion, tha se është shumë e rëndësishme që të formohet një kabinet me mandatin e parë. Ai gjithashtu vuri në dukje se fokusi në reformën në drejtësi duhet të vazhdojë me një marrëveshje të gjerë për zbatimin e saj. Nga ana e tij, Rumen Radev e përgëzoi "Bullgarinë Demokratike" për politikën e saj në reformën në drejtësi dhe theksoi se nëse nuk ndërmerren reforma vendimtare në njëqind ditët e para, status quo-ja do të kërkojë revansh. “Mbyllja e gjykatave speciale është vetëm hapi i parë në rrugën e gjatë dhe të rëndësishme që duhet të përshkohet”, shtoi ai.

Takimi i fundit i kreut të shtetit ishte me përfaqësuesit e partisë “Vëzrazhdane”. Lideri i saj, Kostadin Kostadinov, tha se nëse partia e tij e merr mandatin, do ta kthejë menjëherë. Sipas tij, sa më shpejt të mbahen zgjedhjet e parakohshme, aq më mirë për vendin. "Bullgaria nuk ka më kohë për të humbur," tha Kostadin Kostadinov.

“Përfundoi cikli i konsultimeve, vjen mandati i forcës së parë politike” – me këto fjalë presidenti mbylli konsultimet për formimin e kabinetit të ri.




Последвайте ни и в Google News Showcase, за да научите най-важното от деня!

Më shumë nga rubrika

Presidenti tha se Bullgaria është e lidhur fort me Korridorin e Transportit Trans-Kaspik

Dy vendet tona kanë një rol të rëndësishëm në lidhjen midis Evropës dhe Azisë përmes Korridorit të Transportit Trans-Kaspik. Kjo u deklarua në Tashkent nga Presidenti Rumen Radev gjatë bisedimeve plenare midis delegacioneve të Bullgarisë dhe..

botuar më 25-06-10 1.21.MD
Provdia - Kriporja

“Rruga Evropiane e Trashëgimisë së Kripës” përshkruan mundësi të reja turistike për “Provadia-Kriporja”

Bullgaria mori pjesë në forumin ndërkombëtar “Rruga Evropiane e Trashëgimisë së Kripës”. Iniciativa u mbajt nga 5 deri më 8 qershor në Minierën Wieliczka pranë Krakovit në Poloni, njoftoi Instituti Kombëtar Arkeologjik me Muze i Akademisë Bullgare të..

botuar më 25-06-10 12.19.MD
Kirill Dobrev

Korridori nr. 8 do të ekzistojë kur Maqedonia e Veriut të bëhet pjesë e BE-së, tha deputeti Kirill Dobrev

Autostrada e ardhshme Rilla nga pika kufitare Gjueshevo deri në Dupnica do të kushtojë rreth 1.5 miliardë euro. Kjo u tha në një takim pune te guvernatori i rajonit Kjustendill me ekspertë, deputetë dhe kryetarë bashkish të rrugës së ardhshme...

botuar më 25-06-10 10.09.PD