Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Atanas Veliçkov: Propozimi i Këshillit Evropian është më i miri për Bullgarinë dhe Maqedoninë e Veriut

Pavarësisht protestave nuk ka rritje të qëndrimit negativ ndaj komunitetit bullgar, thotë gazetari i Maqedonisë së Veriut

Foto: EPA/BGNES

Pas një jave protestash rrugore në Shkup kundër propozimit francez për hapjen e negociatave për aderimin e Maqedonisë së Veriut me BE-në, interesante është pse pushtetarët në fqinjin tonë jugperëndimor vonojnë marrjen e vendimit mbi këtë çështje. “Pushtetarët në Maqedoninë e Veriut janë të bindur, se nuk duhet të hedhin poshtë propozimin francez. Por për shkak të rrezikut të zgjedhjeve të reja do të përpiqen të shtyjnë miratimin e vendimit në parlament, derisa të ulet intensiteti i protestave.” Këtë e theksoi në një intervistë për Radio Bullgarinë Atanas Veliçkov. Ai është kryeredaktor i sajtit maqedonas tribuna.mk, ku në normën gjuhësore vendëse pasqyrohen pozitat e bullgarëve në vend.

A mund të çojë refuzimi i propozimit francez në një rritje të tensioneve ndëretnike me shqiptarët në vend? – Gazetari është skeptik:

Atanas Veliçkov

“Unë nuk mund të bëj deklarata të tilla të guximshme, se paqja etnike në vend është në rrezik. Këtë e tha Ministri i Jashtëm Bujar Osmani, por mendoj, se kjo ishte thirrja e tij për ndihmë. – Le të bëjmë këtë, se mund të bëhet vërtetë të rrezikshme. Por do të them përsëri, mendoj se këtu tashmë u rekrutuan edhe sllavët, edhe shqiptarët në Maqedoninë e Veriut. Nuk besoj se mund të ketë, kushedi se çfarë përplasjesh në baza etnike

Veliçkov tha, se pavarësisht protestave nuk ka rritje të qëndrimit negativ ndaj komunitetit bullgar në Maqedoninë e Veriut:

“Ne jemi mësuar me qëndrimin negativ veçanërisht të autoriteteve zyrtare këtu, me gjuhën e tyre, siç e quaj unë, të sistematizuar të urrejtjes. Stigmatizimi i bullgarëve këtu është universal. Është e mundur që nëse në protesta shfaqet një bullgar më i shquar, të bëhet problem, por si presion, pra asgjë më shumë se sa njerëzit zakonisht durojnë këtu. Por ende nuk kam një informacion të tillë.Në rrjetet sociale ka kërcënime, por kjo është një praktikë e rregullt. Tashmë jemi mësuar me të.”

Gazetari ripohoi informacionin, se ndër protestuesit kundër “bullgarizimit të Maqedonisë së Veriut në BE” ka edhe të pakënaqur me pasaporta bullgare. Shumë prej tyre sipas leverdisë profesionale dhe koniunkturës politike shfaqen herë si bullgarë, herë si maqedonas të lashtë dhe prapë si maqedonas nga koha e Jugosllavisë.

Atanas Veliçkov nuk pret ndryshime në propozimin francez gjatë Presidencës çeke të BE-së:

“Unë nuk besoj në një zhvillim të tillë të gjërave, për arsyen e thjeshtë se nëse ka ndonjë ndryshim, Bullgaria duhet të rikthejë menjëherë procesin nga fillimi. Ajo që Këshilli Evropian propozoi përmes Presidencës Franceze është ajo që është më e mira për të dyja vendet.”

Presidenti i Këshillit Evropian, Sharll Mishell, prezanton propozimin francez në Maqedoninë e Veriut

Nëse ka ndonjë ndryshim, Bullgaria, siç i ka mbrojtur me vendosmëri deri tani pozitën e saj, duhet të rikthejë menjëherë negociatat nga fillimi dhe nëse duhet të vendosë një veto të re, mendon gazetari.

Përgatiti në shqip: Svetllana Dimitrova

Foto: BGNES, EPA/BGNES




Последвайте ни и в Google News Showcase, за да научите най-важното от деня!

Më shumë nga rubrika

Në Bosilegrad të Serbisë diskutuan për temën e të ashtuquajturit "komb i shopëve"

Një forum u mbajt në klubin e shtypit të Agjencisë Telegrafike Bullgare (BTA) në Bosilegrad të Serbisë, i provokuar nga përpjekjet për ta imponuar të ashtuquajturin "komb i shopëve" ( shopët janë një grup etnografik që banon në pjesët perëndimore..

botuar më 25-02-19 9.42.PD

Andrej Novakov nga Parlamenti Evropian: Bullgaria është një faktor i pashmangshëm në rajon

Bullgaria duhet të marrë financim të synuar për mbrojtjen - këtë e ka kërkuar eurodeputeti bullgar i Partisë Popullore Evropiane (EPP), Andrej Novakov nga Komisioneri i ri i Komisionit Evropian (KE) për Mbrojtjen. Diskutimi strategjik i burimeve të..

botuar më 25-02-18 1.07.MD

Më pak se 1/3 e bullgarëve presin ndryshime pozitive nga qeveria e re në SHBA

Sipas sondazhit të rregullt sociologjik të Agjencisë “Gallup International Bolkan” në janar 2025, shoqëria ka pritshmëri të moderuara për ndryshime pozitive në Evropë dhe Bullgari nga politikat e presidentit të ri të SHBA-së, Donald Trump. 30.4% e..

botuar më 25-02-18 11.19.PD