Një festival i qytetit zhbllokon në mënyrë simbolike hapësirën e rinovuar publike në një lulishte në qendër të kryeqytetit. Kodra mbi vendin ku ndodhet përfaqësia e “Goethe Institute” në Sofje, e lënë pas dore prej vitesh, tashmë u gjelbërua me bimësi të egër. Synimi i organizatorëve nga “100 Stola” dhe “Kolektivi” është të tregojnë se me ndërhyrje të vogla dhe peizazhe që tërheqin zogjtë, bletët dhe insektet, hapësirat urbane mund të bëhen shumë tërheqëse edhe për njerëzit pa investuar shumë para. Në këtë vend do të ketë një zonë rekreative midis gjelbërimit, dhe aty pranë - një skenë verore dhe një bar. Posaçërisht për hapjen e oazës së gjelbër në zemër të Sofjes planifikohet një program i pasur muzikor, ekspozita, shfaqje. Deri më 17 korrik, do të organizohet një pazar arti dhe një ekspozitë për “turizmin dark” nga Bullgaria e braktisur. Të gjitha ngjarjet kanë hyrje falas.

Përpilues: Gergana Mançeva

Përgatiti në shqip: Svetllana Dimitrova