Pakkush e di se në vitet e fundit të shkollës së mesme, avokati i njohur bullgar Kristian Takov mbaroi një kurs fotografie dhe gjatë jetës së tij bëri dhjetëra mijëra fotografi. Sot, një gazetar dhe dokumentar i ri po bën realitet ëndrrën e Takovit - që disa nga fotot e bëra nga avokati të shfaqen në një ekspozitë. Gazetari Veselin Dimanov ka dy vjet që punon në projektin e madh për jetën e avokatit. Pjesë e saj është edhe ekspozita me fotografi e rregulluar në “Urën e të Dashuruarve” pranë Pallatit Kombëtar të Kulturës, me rastin e 5-vjetorit të vdekjes së juristit të njohur bullgar. Kristian Takov ishte profesor i së drejtës civile në Universitetin e Sofjes, një personazh intelektual dhe publik. Ai konsiderohet si një nga të paktët njerëz në Bullgarinë moderne për të cilin zbatohet plotësisht përkufizimi ndriçimtar. Secila nga 60 fotot e ekspozitës shoqërohet me një citim nga ajo që Kristian Takov ka thënë dhe ka shkruar ndër vite. Ekspozita mban titullin emblematik të botëkuptimit të tij – “Morali është mirësia”. Përveç Sofjes, ekspozita do të prezantohet edhe në Plovdiv dhe Varna.
Përpilues: Gergana Mançeva
Përgatiti në shqip: Svetllana Dimitrova
E ashtuquajtura “Vulë e dygjuhësisë” u krijua në vitin 2011 në shtetin amerikan të Kalifornisë me idenë se, në kushtet e një ekonomie dhe marrëdhëniesh të globalizuara, një person nuk mund ta zhvillojë plotësisht potencialin e tij duke ditur vetëm një..
Me moton “Fundin e ka afër – le ta përjetojmë me humor” në qytetin Gabrovo u hap i ashtuquajturi sezoni i 5-të i vitit. Në ditën e 11-të të muajit të 11-të nis sezoni i karnavaleve të Vitit të Ri dhe të pranverës në qytetet e Evropës dhe të botës. Me..
Festa e sivjetshme e bullgarëve të Besarabisë, të cilën e shënojmë çdo vit më 29 tetor, u shndërrua në një sërë ngjarjesh kushtuar bashkësisë bullgare të shpërndarë në rajonin e Besarabisë, e ndarë midis Rumanisë, Ukrainës dhe Moldavisë. E fundit prej..
Nxënësit nga Gjenerata Z, të cilët aktualisht janë në shkollë (të lindur midis viteve 1995 dhe 2012), masivisht përdorin në praktikën e tyre mësimore..
Timishoara, një qytet i madh multietnik në Rumaninë Perëndimore, është qendra e rajonit historik të Banatit dhe shtëpia e bullgarëve të Banatit..