Politika e inovacioneve duhet të jetë kryesore për çdo qeveri, ata janë çelësi i menaxhimit të krizave, tha Presidenti Rumen Radev në hapjen e diskutimit “Inovacionet - mundësi për Bullgarinë”. “Disa do të pyesin nëse në këtë moment, kur jemi në një krizë të thellë, duhet të flasim për politikën e inovacioneve. Jam i bindur se pikërisht tani, kur jemi në prag të riformatimit të hapësirës politike, të gjithë politikanët që do të marrë përgjegjësi për qeverisjen duhet të kenë të qartë, se politika e inovacionit duhet të jetë prioritet”, theksoi Radev.

Komisionerja evropiane për Inovacionet, Marija Gabriell, tha se gjatë 2 viteve të fundit, investimet në startup-et bullgare u rritën më shumë se 10 herë, nga 16 milionë në 174 milionë euro, ku 20 prej kompanive financohen nga BE-ja.