Gjykata e Lartë Administrative rivendosi aktivitetin e kompanisë “Eurolab 2011” si operator ngarkim-shkarkues në pikën e kontrollit “Kapitan Andreevo”. Motivet janë veprime të paligjshme nga ana e Agjencisë Bullgare të Sigurisë Ushqimore. Në prill, Agjencia urdhëroi “Eurolab 2011” të pezullojë menjëherë kontrollin laboratorik të frutave dhe perimeve që hyjnë nga Turqia për shkak të konfliktit të interesit. U bë e qartë se shteti i kishte dhënë laboratorit monopolin e këtij aktiviteti shumë fitimprurës. Një muaj më vonë, qeveria ndërpreu fluksin e parave për kompaninë dhe Agjencia Bullgare e Sigurisë Ushqimore mori përsipër kontrollin fitosanitar dhe shëndetësor.

Sipas Kryeministrit të dorëhequr Kirill Petkov, janë pikërisht veprimet e kabinetit në përvetësimin e kontrollit të trafikut në “Kapiten Andreevo” ndër arsyet për rrëzimin e tij nga pushteti.