Lufta në Ukrainë po bëhet vetëm për pushtime territoriale. Paralajmëruam më parë dhe jemi shumë të qartë se aneksimi me forcë i territoreve është një shkelje flagrante e Hartës së OKB-së”, tha zëdhënësi i Departamentit të Shtetit të SHBA-së, Ned Price. “Nuk do të lejojmë që kjo të kalojë pa kundërshtim dhe pa ndëshkim, ne do të vazhdojmë të mbështesim sovranitetin e Ukrainës”, komentoi Price kërcënimin e Ministrit të Jashtëm rus Sergej Llavrov se objektivi i agresionit rus nuk janë më vetëm rajonet Doneck dhe Lugansk.

Ndaj kërcënimeve të Lavrov para DW reagoi edhe Ministrja e Jashtme gjermane, Analena Berbock, e cila theksoi se Kremlini po shpik vazhdimisht justifikime për luftën.

Takimi i katërt i ministrave të mbrojtjes të grupit “Rammstein” u mbajt virtualisht, për të koordinuar ndihmën për Kievin. Sekretari amerikan i Shtetit për Mbrojtjen, Gjen. Lloyd Austin tha se Rusia e mbivlerësoi fuqinë e saj ushtarake duke menduar se do të durojë gjatë të luftojë. Austin theksoi se Perëndimi është i bashkuar, do të durojë për aq kohë sa të jetë e nevojshme dhe do të furnizojë me armë për mbrojtjen e Ukrainës, njoftoi UNIAN.

Presidenti ukrainas Vollodimir Zelenski e përshkroi si të pamjaftueshme paketën e 7-të të sanksioneve kundër Rusisë të rënë dakord nga BE. Sanksionet hyjnë në fuqi më 21 korrik dhe vendosin ndalimin e importit të arit rus, ngrin asetet e “Sberbank” dhe 50 personave fizikë, por dobëson sanksionet ndaj bankave ruse që financojnë eksportin e ushqimit dhe plehrave artificiale.